Blog in Frater

 

"Plasergo  es pas komple per odor forse ot ros, e temkia aermikro sesonbi sine pas arbormulti ot orti, odorben forse ot florsirin pasoin in samber. In goni, kuba sur diban e fume intem sigarmikro uni poste omone, Andro Henry Woton obserba pas flormulti krom sukarapi neo. "                                                                                         Oscar Wilde, Pitures ot Dorian Gray.

Dis es paginam ot biblo bine graf in lingua komon ot Sotos Ochando, debelop per delegadio e androinstruk Espana Bonifacio Sotos Ochando inter 1845 e 1867. Lingua dis es pas uni, na gene pas sine pro lingua fakto, 28 anu ante Bolapuk e 36 ante Esperanto. Osabe lo el atubo (Siense ot magnet) es biblotrakta peri magnet, graf per andromedisin Kataluni Francesc Vinader i Domènech e publik in Madrid in 1857.

Mi beni pas tele, temkia mi eureka pas joelo dis in dombiblo ot Madrid. Ili es uni eks teknigraf komonne ot Bolapuk in lingua Espana, graf per A-m M. Vero e publik in Barselona in 1886. Korda belmaga kon kober ruj, stofmetalau e relef, ili konten je biblologo Espana-Bolapuk e Bolapuk-Espana. Faktore ot mi presen otplus dedika ot andrograf a androfilo ili José Velasco, na sekuen esinforma ot mi auto es pas probable uni eks androkomen ot sine Esperanto in Baski.

  Mutalingua ot mi.

Magabuk nen mags es nam in Bolapuk ot biblofabula Biblopitures abene pitures, ot andrograf Hans Christian Andersen. Mutalingua es pas fakto per androinstruk Danmark Siegfried Lederer e publik in 1887. Mi eureka pas faktore bel dis in domstofpaleo ot Danmark e ili es uni eks fragmen kon balor plasuni ot kolek mi ot biblo in Bolapuk.

" In urbanagri ot Mansa, mi memor ne nam ot ili, abe tem longane dom pas uni andro ot ilis, na abe lanse memorne, aspi paleo, ipo pakine e kanilepus belo. Ebulibelone kas, karnibobi multitem plus ot karnikaprin, karni tomi kon sal noktu telenetuta, obar kon karnioleo Jursep, lentila Jurses, e pijon multine plus Juruni pris pas tri parti ot aribein ili. Resta ot ili es pas komple per tunika ot kapilakaprin negro, kon bestipodlonga ot beluta e protekpodmulti dom ot stof omo  pro jurmulti festi, e dura ebdoma ili onor pas auto per besti dusne brun. " Mutalingua ot mi.

Temkia mi eureka pas Frater abe tri anu, mi tauma pas pro bel e simple ot ili. Mi lektur pas testumulti uni ot mi in blog Lingua Sistemfrater e studi pas lingua per mutalingua benmaga ot testumulti ot Charles Perrault e Hans Christian Andersen konten in ili. Poste mi kreat pas plas auto ot mi e fakto pas mutalingua auto ot mi ot andrograf omo Lewis Carroll, Antoine de Saint-Exupéry o fratermulti Grimm. Ilis es mutalingua leterbel uni ot lingua, na resep pas ne sura temdis atentif, ili merit na.